وبقولها........
اتدلعي..... واتبغددي .....واتفاخري..... واتباهي....
قولي لكل الناس دا عشقني والله......
لمي العيال حوليا يزفوني.....
ظاظوا عليا وحدفوني طوب.....
مانا اللي سيبت عنيكي لفوني......
وانا اللي استاهل كل يوم مركوب .....
فادلعي... واتبغددي... واتفاخري.... واتباهي.....
اّدي ضحية كمان فدا رمشك الساهي.....
موت الضحايا جزايا مانا اللي وديتك (حبيتك)......
انا اللي وديتك.....
ولحد حد ما وديتوش لولا حد وديتك......
وقلعت كل سنيني علي خصرك.......
ضفرت شعرك عش جوايا.....
بايعت حكمك وابتديت عصرك......
ووقفت ورا عرشك ومسكت هوايا........
موت الضحايا جزايا وكلها ضحايا.........
مين اللي قال الحب اخره عمار........
الحب اخره نهاية في رحايا.......
القسوة طاحنة والحجر دوار......
فادلعي... واتبغددي ....واتفاخري... واتباهي....
واستنكري من عزتي واستهتري بجاهي.....
خليني مضرب مثل.... من بعد هيبة ووزن.....
كبي المرار ف العسل... وإملي الفرح بالحزن.....
يعني انتي اولهم ....ولا انتي اول هم....
ولا انتي اولهم ...ولا انتي اول سهم اتسنلي واتسم.....
لو تكشفي ضهري تلقي السهام علامات.....
وانا زي زرع ف هوا وطي حيا وأما علا مات.......
موت العلالي شرف .....بس اسمها موته....
مش عدل تبقي ف ترف ......وانا بطفح الكوتة......
ما يا إما نقسمهم.....
وخذة قصاد وخذة..........
يا إما لا مؤاخذة....
توتة يا حدوتة......
وابقي اكدبي براحتك وادلعي براحتك .....
طعم الهزيمة جزا للي يزور ساحتك......
وانا قلبي ياما غلب مش عيب يبات مغلوب......
اهو برده فدتينا كفرنا بيكي ذنوب.....
ولحسنا من شهدك.... وشربنا من ريقك.....
وسكرنا من كاسك .....وكسرنا ابريقك....
وطعمنا من حسنك..... وشبعنا ببريقك......
ومشينا في طريقك......
ورجعنا ملو اليد.....
جرحي قصاد جرحك .....
ولا حد ظالم حد.....
ولا انتي فاكرانا رجالة خيبانة.....
نبكي علي النسوان ونسح ف بكانا.......
كنتي اسالي اّيه اللي اسمها اّيه......
يدوب زعلنا يومين وهي دنيا نسايا..........
هبكي عليكي انتي....
ما تكدبيش ع الناس الناس دي عرفاني.....
قلبي خشب لو غطس بيقب من تاني.....
فما تحرجيش روحك وتقولي ده عشقني.........
بدل ما صحباتك يقولولك ادي دقني............
حبي علي قدك واحكي علي قدك..............
وان جت سيرتنا ف يوم ابقي الزمي حدك......
تدلعي ماشي تتبغددي ماشي.....
وتقولي حبني موت بردو ما يجراشي........
بس انتي من جوه فاهمة ان زمنك مات.......
وبقيتي زي اميرة قلبها شحات.......
لفي علي صحابي..... سبيني ف غيابي.....
قولي ان عمرك يوم ما وقفتي علي بابي......
لا كويتي قمصاني ولا جيتي زرتيني........
ولا تعرفي مكاني ولا تعرفي تجيني ............
واني يدوب واحد دايب ف دباديبك ............
عامل شبه عيل شابط ف جلاليبك...........
وانتي يا عيني اوف زهقانة مني خلاص ............
عملتي زار بالدف وسقتي كل الناس ..........
وانا بردو بعد كل ده لسه لازقلك......
معلش حظك كده ربك ورازقلك......
روحي يا شاطرة هناك انضمي للألبوم.......
دانا كل عشرتي بيكي اتنين وتلاتين يوم.........
عملتي نفسك حكاية ....
ومحبة فياضة ومخدة بكاية.......
وسهر وسهد وويل.....
وغني وبكي ومواويل....
ف اتنين وتلاتين ليل......
علي كل حال
شكرا وشكرا ثم شكرا للقصيدة.................
قلما تأتيني يا امرأة بأفكار جديدة..............
الجمعة يناير 31, 2014 11:04 am من طرف سفير الودّ
موضوع: ادلعي ......واتبغددي......واتفاخري ......واتباهي 
