مساء الخير
النهاردة هنتكلم عن حاجة من اهم طقوس بداية اليوم.....وعندي هيا من اهم طقوس اليوم كله......الحاجة دي هيا فنجان القهوة...........فنجان القهوة عندي مش مجرد مشروب لالالالا فنجان القهوة عندي عامل زي ما يكون بروتوكول اساسي لبداية الصباح ليا ولناس كتير زيي.....ف اعلانات الحاجة الساقعة بيقولك استرجل واشرب بيريل.....انا بقول استرجل واشرب قهوة
ممكن نختلف انا والناس دي علي نوع القهوة ........تركي ....امريكاني .....كاباتشينو....اكسبريسو....قهوة بسيجارة او بايب.....او قهوة من غير تدخين
بس كرجالة عمرنا ما اخلفنا عن مبدأ القهوة
اول ما اقعد قدام الفنجان واشم ريحة البن بيجي علي بالي كل المناسبات اللي شميت فيها الريحة البديعة دي
مرة وانا بحاول اطول السهرة عشان ازاكرلي كلمتين ينفعوني....ومرة وانا نازل الكلية ووشي مقلوب وعايز انام طينة بس كان لازم انزل عشان عندي امتحان.....والف مرة وانا لسه صاحي من النوم براجع حسابات العمر وقصص الحب القديمة
فنجان القهوة بقي عامل زي الهارد درايف بتاعي اللي متسيف في ريحته زكريات كل مناسبة ما كنتش عايز اصحي فيها
بس احيانا نفس الريحة بتستعيد معايا احداث ومواقف كنت فعلا صاحي فيها بس عملت نفسي مش واخد بالي وحرفيا وبمعني الكلمة كنت مفنجل.....خروجة مثلا في اول اول الشباب ......وقعدة تقليد علي كازينو من بتوع الكورنيش...والمزة تطلب عصير لمون وانا اطلب قهوة مظبوط عشان انا شوفت كل الرجالة ف التليفزيون بيعملو كده هههههههههههه.........او جردل نسكافيه مع كتاب لاليزابيل ليندي يخليك بعد ما تخلص الكتاب تحس ان كل الاحداث السحرية ف الرواية اتخلطت بالبن.....لدرجة ان فنجان قهوة تاني ف مكان تاني ممكن يفكرك بكل احداث الرواية ولو بعد سنة كاملة ونفس قعدة الكورنيش وكل حسابات العمر وجرجرة الامتحانات والشغل والسفر والغربة و.....و......و......و......
الجمعة يناير 31, 2014 11:04 am من طرف سفير الودّ
موضوع: فنجان قهوة 
