ف يوم وانا راجع م الكلية وماشي علي كوبري الجامعة......... كنت تعبان ومش قادر امشي...... فقولت اركب عشان اروح....... ركبت عربية مكتوب عليها الاّية القراّنية الكريمة (يا بني إركب معنا ولا تكن مع الكافرين) ..........شوفتو الابداع شوفتو التحليل اللي من غير سقف صحيح......... كلام سيدنا نوح عليه السلام لابنه عشان ما كانش راضي يركب معاهم السفينة ...........بقي بكل بساطة جملة مكتوبة علي عربية ميكروباس عشان تجيب الزباين
الراجل سواق الميكروباس ما عملش جريمة او حاجة عمرها ما اتعملت ..........هو بس جدد شوية وقرر انه يستخدم اية ما حدش قبله استخدمها ..........وده طبعا اختلاف منه ........لكن اصلا استخدام الايات والحكم استخدام تجاري هو اصلا اختراع مصري ما أظنش ان فيه حد يقدر ينافسنا فيه
معظم محلات القصب معلقة لوحة مكتوب عليها (وسقاهم ربهم شرابا طهورا) ..........بس اكيد عصير القصب والتمر الهندي مش هما المقصودين بالشراب الطهور لكن مش مهم سقع وبيع يا معلم
هو يعني بتاع عصير القصب هيجي ايه جنب الحلاق اللي كاتب (وجوه يومئذ ناعمة)
(كله كلام ربنا وكلام ربنا كله بركة)........... ده الرد اللي قالهولي صاحب عربية كبدة لما سألته انت متخيل ان الكبدة والسجق والبيض بالبسطرمة اللي بتبيعهم ممكن يكونو المقصودين بالاية الكريمة(كلو من طيبات ما رزقناكم) اللي انت كاتبها ع العربية .......رد عليا بالرد ده وانا رديت عليه ف سري وقولت ماشي يا عم المؤمن ربنا يكملك بايمانك يا سيدي انت واللي زيك واللي زيه كتير ما يتعدوش
اللي زيه سواق تريلله كاتب علي عربيته (ربنا لا تحملنا مالا طاقة لنا به)
واللي زيه واحد زمان من عصر التابعين اللي هما من بعد صحابة الرسول عليه الصلاة والسلام
راجل كان تاجر فاكهة وكان عنده كمية بلح مش عارف يبيعها وجنبه محل سمك شغال الله ينور....... فصاحبنا الفكهاني قرر انه يستغل نجاح محل السمك ده عشان يسوق للبلح اللي عنده بس ازااااااااااااااي؟
تقريبا هو فر المصحف كله ما لقاش اية تربط بين البلح والسمك ...........ام جي معلق يافطة وكتب عليها بصيغة حديث شريف (إذا أسمكتم فأبلحوا) يعني لو كلتو سمك لازم تحبسوا ببلح........ يا عيني ع الفتي
هو الفكهاني ده ما كتبش ان ده حديث بس هو كتب الجملة دي بصياغة وصياعة ف نفس الوقت بحيث انها تبان للناس انها حديث شريف وطبعا ما حدش هيدور وراه كالعادة والناس هتنبسط والبلح هيتباع وكله ف البتنجان يا معلم
وعلي فكرة مش الناس البسيطة بس اللي بيستغلو الدين ف ترويج البضاعة بتاعتهم .........زلأ الحكومة نفسها بتعمل كده...... اعلانات التوعية بتاعت التدخين والمخدرات اللي بتيجي ف التليفزيون بتقول ايه (ولا تلقوا بأيديكم الي التهلكة)
مع ان الاية الكريمة تفسيرها بعيد تماما عن هذا المعني الحكومي ده..... شوف الاية بتقول ايه (وانفقوا في سبيل الله ولا تلقوا بأيديكم الي التهلكة) التهلكة في تفسير بن عباس رضي الله عنه معناها الامساك عن الانفاق في سبيل الله
شوفتو بقي الموضوع مالوش علاقة بالتدخين والمخدرات خالص بس يالا اهو كله ف البتنجان يا معلم ومشيها وعديها وعدي معاها كمان (ان اريد الا الاصلاح ما استطعت) اللي بتتكتب تقريبا ف كل يفط الدعايا الانتخابية
وعلي رأي واحد حكيم انا مش فاكر اسمه
كله ف البتنجااااااااااااااااااااااااااااااااااان
الجمعة يناير 31, 2014 11:04 am من طرف سفير الودّ
موضوع: كله في البتنجاااااااااااااااااااااااااااااااااااااااان 
