صباح الزكريات......... صباح الماضي والرواسب اللي مش ممكن تتحرك من مكانها............. وكل ما الزمن يعدي عليها تكبر اكتر وتبقي شباب اكتر وتتحرك اكتر وتجرحنا من جوة اكتر............... انا ايمن سعد وجاي اتكلم النهارده عن صندوق الزكريات......... في ناس اعرفها عندها فعلا صندوق زكريات حقيقي......... علبة خشب شايل فيها زكريات لمها من ع الارض وهو ماشي ف مشوار الحياة............ انا كمان عندي صندوق
فيه زرار من يونيفورم المدرسة وقلم رصاص مبري من النحيتين ودول بيفكروني بايام المدرسة
فيه كمان سلسلة فضة بتفكرني بايام ثانوي لما اشتريتها لنفسي تخليدا لقصة حب من طرف تالت عشتها لوحدي
وفيه كام ورقة باشت واصفرت مكتوب عليهم حاجات كتير لو اتجمعت واتوصلت هتكون قصة حياتي وتاريخي الدراسي والمهني........ وفيه خاتم فضة منحوت عليه اسمي مش عارف جالي منين..... وميدالية خشب تذكار من .........تذكار وخلاص........ وكم حاجة كده كل شوية اطلعهم وانضفهم واراجعهم واراجع الزكريات اللي ساكنة فيهم واشم ريحة مرحلة فاتت من عمري
مقدمة طويلة صحيح بس انا النهاردة هتكلم عن صندوق تاني صندوق مش حقيقي بس موجود.....موجود جوا قلبنا ومليان تزكارات برده بس تزكارات ما بنحتجش كل اسبوعين نطلعها ونلمعها كل ما نحتاج او كل ما يجيلنا حبة اكتئاب وملل
هي تذكارات عارفة نفسها كويس...... بتطلع نفسها قدامنا وتفكرنا بنفسها..... وترجع نفسها مكانها تاني ف الصندوق عشان تطلع تاني لما يجيلها مزاج او لما يجيلها حدث ينكشها ويصحيها.........
حد مننا يقدر يفرط ف صندوق الذكريات ده........ ؟
ابدا احنا بنحتفظ بيه زي صندوق الخيابة اللي انا شايله ف دولاب هدومي واحنا حريصين عليه رغم كل الوجع اللي فيه ومصرين عليه وممكن نحارب اي شخص يحاول يحركه من مكانه او ممكن يخلصه من كل السواد اللي موجود فيه
احنا محتاجين السواد ده زي ما محتاجين حاجات كتير ف الدنيا...........زي ما بنحتاج لحظات سعادة وفرح ونجاح ساعات كمان بنحتاج لحظات كاّبة وحزن..........عشان الالم والحزن ليهم نفس الاهمية اللي للسعادة والبهجة
يااااااااااااه صندوق الذكريات بتاعي فيه ولاعة شكلها من ايام التدخين الاولي يا تري شغالة ولا لأ؟؟؟؟؟؟؟؟
لا والله لسه شغالة..........ز والله الصندوق ده طلع مفيد
انا فعلا كنت محتاج ولاعة عشان اولع ف الهبل ده كله
انسي يا معلم ذكريات ايه وهباب ايه احنا ف عصر الساتالايت........وكفاية حزن لحد كده عشان انا عامل دايت
الجمعة يناير 31, 2014 11:04 am من طرف سفير الودّ
موضوع: i forget all memories 
على فكرة التوبك ده حلو اووووووووووووووى 
