البيبسي : ممكن أقعد جانبك
الميراندا : اتفضل
البيبسي : تحبي نتكلم في ايه
الميراندا : عادي أي حاجة..ولو هتطول قول علشان استأذن من بابا وأنام بره الصندوق
البيبسي ( فرحان ): حرجتيني وطلعتي زي ماقالت ماما
الميراندا : وهي قالت ايه؟؟؟
البيبسي : قالت الميراندا أحلى من الفانتا
الميراندا : فانتا آل فانتا آل
البيبسي : ليه مالها الفانتا دي تهبل
الميراندا : ماشي لو عاجباك روحلها في الصندوق بتاعها .. سلام
البيبسي : ايه ياميري زعلتي من كلامي دا انتي ستهم كلهم
وفي اللحظة دي صاحب المحل حط جنبهم ازازة فانتا
البيبسي : نورتي الصندوق يافانتا...ايه يا أخواتي الحلاوة دي
الميراندا : وكمان بتغازلها أدامي .. وانا معاك من الصبح يااسود
الفانتا : دي مالها دي متعصبة ... يايغيارة
البيبسي : سيبك منها بس قوليلي ايه الجمالاللي أنت فيه ده
الميراندا : قولي يا قصيرة يا اوزعة
الفانتا : روحي كده وانتي بآلك اسبوع مرميةفي الصندوق ومحدش معبرك
البيبسي : هدوء ياجماعة كل واحدة فيكم فيها مميزات انتو الاتنين حلوين
وفجأة جه زبون المحل وخد الثلاث ازايز في كيس وروح البيت وفتح الفنتا وشربها
البيبسي : الحمد لله كانت مضايقانا
الميراندا : وكمان جايلك عين تتكلم ... روح وراها يااسود
وقعدت الميراندا تبكي وتقول لنفسها
يقطع الحب وسنينه
لحد اما سخنت وجه واحد يشربها لقاها سخنة
راح راميها
البيبسي (بينه وبين نفسه) : ضاعت عليا الفانتا وكمان الميراندا
وكانت دي نهاية مؤلمة لقصة حب
الجمعة يناير 31, 2014 11:04 am من طرف سفير الودّ
موضوع: حوار بين المشروبات الغازيه 
